一年一度嘅傑出董事獎噚日宣布開始接受提名，主辦單位係董事學會特登搞咗個酒會，請咗唔少名人，場面都幾熱鬧。
今年董事學會主席許浩明幾犀利，搵到唔少贊助，其中牽頭贊助商係生產Esprit時裝嘅思捷環球，佢哋將啲今年嘅新衫擺喺酒會會場，搞到好似小型時裝展。
財經事務及庫務局同埋港交所都係今次協辦組織，港交所行政總裁周文耀同許浩明係老友，所以親身來捧場。財庫局就派咗就嚟調去日內瓦嘅苖學禮嚟致辭，有記者猛咁問佢點睇立法會點名話要佢對公屋短樁事件負責，但佢一於借咗聾耳陳隻耳，扮唔識聽廣東話。又係嘅，本來出年佢到退休年齡，但臨尾都有得調去風光明媚嘅日內瓦玩多幾年，理得你咁多咩。
傳真︰2623-9278
電郵︰