今個7.1，除咗會有唔知幾多十萬人再上街之外，香港嘅機場保安都會有大變動！八方所講嘅，係機場保安有限公司「一哥」、高級助理警務處處長伍偉傑將會喺7.1正式榮休歎世界。
傑sir喺前年接替回巢警隊、上任刑事及保安處處長嘅周富祥，借調去機場保安做總經理，喺佢領導下，香港國際機場喺○二年奪得最傑出航空保安機構優異獎，○三年又有員工攞到機場保安人員傑出貢獻大獎，成績有目共睹。
據聞傑sir退休後，周sir會喺七月再度回巢，八方問56歲嘅傑sir，喺六月三十號lastday後有乜大計，傑sir就鬼馬咁話，都辛苦咗幾十年，退休梗係返老婆身邊，可見佢同愛妻──息影女星黃韻詩幾咁恩愛。
傳真︰2623-9278
電郵︰