胡杏兒昨日往金鐘太古廣場港麗酒店，出席黑人牙膏宣傳活動。她昨日大賣口乖說從小已經使用該品牌的牙膏，更透露現正獲贊助箍牙，她說：「已經箍咗半年，重有八個月，係最先進嘅隱形牙箍，所以都冇影響工作。」
問胡杏兒為何萌起要箍牙的念頭，她說：「梗係貪靚啦，𠵱家啲電視螢幕愈嚟愈大，畀人睇到我啲牙唔齊就唔好啦。」她亦表示選男友牙齒整潔十分重要，她說：「有煙屎牙一定唔得呀。」
此外，胡杏兒透露即將與郭晉安及馬國明合作拍攝無綫新劇《同撈同煲》，她說：「係套懷舊搞笑劇，我演鄧碧雲、安仔演新馬仔，馬國明就演鄧寄塵，我同安仔合作壓力好大，話晒佢係最佳男主角嚟㗎嘛。」
採訪、攝影：JessicaNgan