審計署署長鄧國斌，上任就講過兄弟都冇面畀，一定秉公去盡，早前又聲言可能查房屋署盤數，睇吓係唔係「賤賣」紅灣半島，噚日朝早突然喺房委會總部出現，惹起審計署查房署疑雲。鄧國斌敢唔敢郁紅灣？全世界睇到實，一直都冇乜聲氣，但直至噚日鄧署長現身房委會總部，重逗留咗大約四十五分鐘，走嗰陣對記者提問一概不回應，非常神秘。
八方打電話畀鄧國斌，求證吓佢係唔係查緊房署，佢就透過秘書回覆話，審計署有好多職員分布喺政府唔同部門，重話鄧署長只係去探同事，唔係查紅灣半島盤數喎。有關方面唔使驚住，大陸肅貪，肅到邊級，有辦你睇，鄧國斌唔通係英國佬咩。
（圖）鄧國斌噚日突然喺房委會總部出現，引起審計署查房屋署疑雲。
傳真︰2623-9278
電郵︰