向海嵐和陶大宇昨日在馬鞍山樟木頭老人中心拍攝無綫新劇《心花放》，講述向海嵐在美國誕下大宇的兒子，但返港相認時卻發現對方與郭可盈已達談婚論嫁階段。
向海嵐表示本來前日拍攝這場戲，但因BB失控大哭，導演只好暫停拍攝，她說：「噚日個BB一嚟就勁喊、狂喊，第一個鏡頭都未拍完，導演就話唔拍，今日重拍，BB嘅笑容好好多。」
向海嵐與大宇異口同聲表示無意生兒育女，向海嵐說：「我對BB冇乜耐性，亦冇乜興趣同BB玩，到𠵱家亦唔會母愛氾濫，我重未接受到自己有BB。」
至於已婚多年的大宇則說：「完全冇原因推動我生BB，呢啲時勢冇好過有，我啲哥哥姐姐已經有仔女，所以完全冇壓力。」
採訪、攝影：楊潔雯