吳彥祖早前以沙灘小子造型，為台灣一男性雜誌拍攝封面，他在訪問中自喻是一個異鄉人，常處於旅行的狀態，而且旅行對他來說，是長期處於都市的一種低調反抗。他更表示老了會在美加開農場，而遠離人煙、水清沙幼的海灘更是他的減壓之地。
吳彥祖早前為台灣男性雜誌《GQ》拍攝封面時，手拿滑浪板以沙灘小子造型出現。他在訪問中表示自己的人生一直都處於旅行的狀態，更自喻是個過客亦是異鄉人，他說：「每拍完一部戲，我都會揹起背囊去一次遠行，目的地盡量係接近大自然嘅海天一色地方。」
問吳彥祖目前最渴望往哪裏旅行時，他說：「目前嘅首選係巴西里約熱內盧，可以喺海灘瞓個痛快，享受當地長長嘅海岸線。」
吳彥祖在訪問中還表示對物質慾望不大，幾乎都把錢花在旅遊上，他說：「長期處於都市，旅行對我嚟講可以話係一種低調嘅反抗，呢種出走嘅感覺真的十分暢快。」
吳彥祖到過的海灘不計其數，亦對某些海灘特別留有印象，他說：「我曾經好鍾意去泰國PP島嘅猴子灣潛水，但因為里安納度迪卡比奧（LeonardoDiCaprio）喺嗰度拍完電影《迷幻沙灘》後，𠵱家已經俾遊客攻陷，好恐怖。」
訪問中，吳彥祖推薦了心水的海灘，他說：「墨西哥嘅maroma海灘，嗰度有好多馬雅古迹旅館，沙灘又冇俾污染嘅痕迹，重有澳洲嘅FraserIsland，有廣闊嘅原始熱帶雨林同淡水湖，風景好靚。另外香港西貢嘅浪茄灣我都成日去，係香港難得一見嘅美麗海灘。」
此外，吳彥祖表示年老之時，會在美加開農場，他說：「可以養幾隻牛、種種蔬菜水果，過自給自足嘅生活。」