中銀噚日喺總行七十樓搞獎助學金頒贈典禮，十家大專院校師生加埋中銀高層，場面相當墟冚。原來去年嘅頒贈儀式因為沙士而擱置咗，於是兩年夾埋一年搞，所以特別熱鬧。
中銀總裁和廣北同副總裁丁燕生主持典禮，八方見到場有嶺大陳坤耀、浸大曾憲博、樹仁胡鴻烈等等，學生就有一百二十人。和總話，中銀喺內地有聯繫，可以為本港大專學生提供短期到內地機構實習嘅機會。
八方聽中銀中人講，呢個構思係第一次提出，史無前例，重要研究；今個暑假肯定搞唔成，希望明年能成事。
（圖）中銀副總裁丁燕生（左八）頒贈獎助學金畀樹仁學院同學。
程志遠攝
傳真︰2623-9278
電郵︰