坐鎮恒生銀行財資業務主管嘅陳佩君，昨日起正式離職。恒生即時公布會向滙豐銀行借將，由滙豐嘅環球資本市場董事兼亞太區資產管理主管張泰強暫任該行署理財資業務主管。
Rita（陳之洋名）喺恒生任職十多年，離職前位居該行第四、五把交椅之高職，亦係財資界內少數升至主管嘅女性。近年淨利息收入減少，同業均靠財資收益補貼盈利，她領軍嘅dealing房，成為恒生重要收入來源。不過，金融市場瞬息變化，作為銀行財資阿頭，面對嘅壓力之大，可想而知。平時講嘢陰聲細氣嘅Rita，酷愛書法，離開恒生後，未知會否有更多時間鍛煉毛筆？抑或另有發展大計。
另外，恒生昨與香港管弦樂團，為逾百位特殊學校學生，舉行咗一個溫馨音樂會，恒生副行政總裁陸觀豪亦粉墨登場，在台上以搖鼓助興，該行其他員工亦以鋼琴同色士風參與演奏。
（圖）喺「恒生．港樂跳躍音符伴成長音樂會」上，陸觀豪（中）同五位特殊學校學生合奏電影《仙樂飄飄處處聞》之選曲──「Do-Re-Mi」。
傳真︰2623-9278
電郵︰