民陣由尊子同馬龍等政治漫畫家設計咗四款7.1遊行T恤，八方噚日登咗T恤嘅樣式後，民陣收到逾百個查詢電話，問邊度可以買到？連民陣幹事麥德正亦話畀八方知，外界反應好熱烈，佢哋預備嘅四千件T恤相信都唔夠賣，好有可能要加推。除咗大、中、細、加大四個碼以外，民陣重計劃推出加加大碼、同埋加細碼，希望盡量滿足市民嘅需求。
除咗民陣和民主黨外，天主教正義和平委員會，都設計咗兩款以綿羊做主題嘅T恤，度身訂做畀教徒着去遊行。一款T恤寫上「不再沉默的羔羊 天國．民主．普選」，如果唔想咁政治化，就可以揀寫上「我們要彼此相愛 關懷弱勢社群」呢一款。
每件T恤賣三十蚊，無論係咪教徒，有興趣買都可以sendemail畀正委，佢哋嘅email喺[email protected]，又或者致電25603865，同正委職員聯絡。
（圖）天主教正義和平委員會推出嘅兩款T恤。
傳真︰2623-9278
電郵︰