沈殿霞（肥姐）愛女鄭欣宜自接受纖體療程後，至今已成功減去八十多磅肥肉，日前其母為賀愛女十七歲生日，特別為她在加拿大舉行生日派對，忍口多時的欣宜終可放肆一晚，大啖三個生日蛋糕，而父親鄭少秋亦有越洋致電祝賀欣宜。
鄭欣宜於本周日牛一，剛屆十七芳華的欣宜在生日當晚，由母親肥姐做搞手於加拿大為她舉行派對，邀請不少好友出席。而負責欣宜纖體療程的張玉珊，昨日在其位於尖沙嘴的公司內會見傳媒，大談欣宜生日會詳情。
張玉珊說：「欣宜上個月三十號生日，肥姐就送咗兩個派對、靚衫同精神上嘅支持畀佢，佢爹哋都有打電話祝賀佢，肥姐同欣宜搞派對嗰晚，欣宜食咗三個生日蛋糕，一個係正常嘅生日蛋糕，一個係欣宜喺減肥時好想食嘅雪糕蛋糕，重有我哋送畀佢嘅低糖朱古力蛋糕。」而欣宜的契爺鄧光榮送了花，李琳琳則送上水晶頸鏈。
張玉珊表示因早前有兩本周刊在加國偷拍欣宜時不禮貌，令肥姐十分生氣，故嚴禁該兩本周刊記者採訪。
張玉珊續說：「肥姐話佢哋又追車又衝燈，屋企車房大閘又無緣無故被打開，佢話啲記者跟又唔同佢講聲，欣宜重係一個小朋友，希望大家唔好嚇親佢。」張玉珊又透露欣宜現正忙於應付學校畢業試，她下月會替欣宜出書，讓她暢談減肥心得。
採訪：胡比
