港台下周一將吳志森調咗去自由風，佢哋唔認受壓，但係個晨早節目得番梁家永同周融主持，聲勢怕不足，竟然膽大包天，風頭火勢，公然挑釁中國，請啲黨魁同召集人上嚟做客席主持人，今次每個黨同政團一做要做一個禮拜，馬力打頭炮，重破天荒請埋前綫嘅劉慧卿（圖）開咪，做其臨時名嘴。
港台大公關話佢哋五月初喺一次政黨論壇提出呢個想法，卿姐即時答應，梗係啦，港台成日只請大黨，好少可搵卿姐，今次算公平啲。
白鴿黨楊森要考慮過先答應，因為六月大學好忙，一去做節目，就唔見咗成朝。自由黨嘅田少出名忙碌，所以只肯同周梁輪流做，一個做三日，一個做兩日。
港台呢鋪咁勇，睇怕又贏番唔少分，不過「午夜凶鈴」之類最不滿啲「烽煙」，話自己冇言論自由，日後唔知有冇「民營」嘅中國日報炮轟港台呢？
傳真︰2623-9278
電郵︰