《基本法》教育協會及所謂愛國組織，噚日出版咗一本叫做《一國兩制有關文獻》嘅新書，內容包括憲法、基本法、鄧小平談香港問題、當然少不了人大咁多次釋法嘅文件。但唔知喺咪早咗印刷，呢本書竟然獨漏咗人大常委會否決普選嘅四二六決定，真喺當喬曉陽冇到。
協會發現大鑊，手震震補鑊，喺每本書仔都攝多一頁紙，補番人大四二六決定。
新書發布會噚日舉行，更請得人大法工委副主任李飛山長水遠嚟香港參加。唔知喺畀面本書、定喺畀面李飛，三分一個政府，包括律政司司長梁愛詩、教統局局長李國章、民政事務局局長何志平、公務員事務局局長王永平、及政制事務局局長林瑞麟呢五個高官，都有出席以示支持。
呢本書印咗五十萬冊，有份贊助嘅立法會主席范太話，會免費派畀全港市民。范太噚日更率先同丈夫范尚德，喺地鐵香港站派書，不過反應就普通。
（圖）何志平喺新書發布會度幫市民喺本新書上簽名。
傳真︰2623-9278
電郵︰