擁有八十五年歷史嘅老牌名校香港華仁書院，校舍可謂歷盡滄桑，都係時候盡快翻新或者重建。八方噚日見到香港華仁校長譚兆炳，佢正為籌錢重建校舍而頭痕。譚校長同八方講，重建經費要成一億，政府答應咗畀四千萬，其餘六千萬要由校方一力承擔。
香港華仁有咁多傑出校友，好似政務司司長曾蔭權、房屋及規劃地政局局長孫明揚、最受歡迎男歌手李克勤、電台DJ倪震等等，譚校長一個電話，啲捐款一定嘭嘭聲咁湧到啦。不過譚校長話，現階段籌款只係籌到三千萬。
而飲「華仁水」大嘅當奴今次就真係好有本心，聽講佢重係主要捐款者之一，至於佢捐多幾多，校長就話不便透露。譚校長話，佢喺未來嘅日子，重要努力籌錢，各位香港華仁校友識做啦。
傳真︰2623-9278
電郵︰