電影找來時裝人作服裝指導及形象設計的大有人在，當中表表者，實非當今Hermes掌舵人Jean-PaulGaultier莫屬，但在戲劇文化話劇表演上，此情況在世界上也少之又少，更遑論在香港。不過香港獨立劇團「姊宮樂園」卻一破慣例，找來英國街頭時裝禪師Maharishi的HardyBlechman來作服裝提供，是香港話劇史上的一次難得的合作事件。
文：樹文
攝影：蔡鴻雯、陳智良
為求戲劇視覺效果，有劇團會找來設計師包辦舞台戲服。姊宮樂園的設計師卻是遠在英國，大名鼎鼎的Maharishi品牌主腦Hardy，究竟當中有咩因由？姊宮團長阿Cat：「其實我哋同Hardy本身係好朋友，雙方認識已經好耐，起初搵佢只係因為資金有限，於是問佢可否Sponsor我哋幾套戲服，點知佢太好人，真係幫我哋設計過晒所有衫，真係非常多謝佢。而其實除Hardy有份幫我哋之外，所有今次的人物造型草圖、平面設計，全部都係由劉米高先生幫手做嘅，另外今次《玻璃動物園》中的主題曲亦係由好朋友林一峰創作，真的。非常感謝佢哋今次義務出力。」
話明今次是香港話劇，理應是文化事件，但焦點卻落在潮流化的包裝上（當日採訪包括小記均是潮流版記者），又怕不怕出現喧賓奪主？「講真，我又唔覺得有咩問題，因為大家其實都係為文化兩字出力。只不過香港人習慣性硬要將此分為純文化、街頭或潮流文化，如果大家當成一件事睇就冇問題。況且真係因為Maharishi或劉生，而令原本冇接觸過話劇的人入場，這個圈子更多人知道，咁又何樂而不為呢。而今次演出此劇，最主要原因在Slogan已講明，『這個戲感動了我們』。」
的確係Crossover，香港潮友慣性會問咁賣幾錢呀？真抱歉，Hardy今次幫姊宮樂園全是由於友情，以下戲服、別注Tee也屬非賣品。
今次姊宮樂園能得到英國Maharishi出手相助舞台服飾設計及贊助，榮幸之餘，當然亦為香港劇迷增進眼福。但當然，睇完得個恨字又真係有多少慘情，不過唔緊要，市面上的Maharishi新貨亦已出籠，不妨買番套Maharishi入場，來個戲內戲外齊齊捧場，咁就肯定夠痛快啦。
猶記得02年8月，MichaelLau展出的第102個Gardener就是HardyBlechman，估唔到04年的Maharishi新貨中，竟然見到劉米高這個Figure。褲後左腳刺繡，乃劉米高設計的Gardener102造型，即Maharishi主腦Hardy，另一邊則有102圖案刺繡。淡綠色102刺繡功能褲$1,880
為何品牌叫Maharishi？HardyBlechman的啟蒙老師，是印度超覺靜坐創始人MaharishiMaheshYogi。60年代，Beatles的GeorgeHarrison深受印度文化影響，68年更拉大隊與披頭四到印度上課。音樂上他學習Sitar（西塔琴），拜大師RaviShankar為師，更把這種印度古樂注入《NorwegianWood》、《WithinAndWithoutYou》等作品中，為流行音樂製造極大衝擊。Hardy於95年在倫敦成立了自家品牌Maharishi，以他最喜愛的環保和迷彩作主題。出道之初，Maharishi將工人服、軍用剩餘物資循環再造，配以天然材料製作，後來終於憑招牌索繩褲征服潮流界，連BradPitt夫婦都是其擁戴者。
故事：繙譯自美國近代著名劇作家湯馬士‧威廉斯的其中一個劇目《玻璃動物園》。故事內容，圍繞發生在30年代美國一個離群獨處的小家庭，訴說4位主角各自在自身以及家庭問題上的壓力與糾紛。
演出地點：香港文化中心劇院
演出日期：6月24日-6月27日（8pm）、6月27日（3pm）
票價：$130（6月24日8pm及6月27日3pm特設限量$90全日制學生及高齡人士優惠票）
門票發售點：各大城市電腦網
查詢電話：27349009
姊宮樂園《玻璃動物園》網頁：
售賣點：Supernova（23113987）
尖沙嘴利時商場3樓324號
