偉大祖國人多勢眾，能人所不能，喺今次名嘴封咪事件中盡見真章。
其實喺7.1之後，中央見中聯辦同港澳辦咁唔掂，收錯晒料，就馬上發動所有機制，由國安、公安、乜辦物辦，乜部物部，以至全國大大小小嘅研究所研究員都出動嚟香港收料，為香港把脈，然後下藥。
於是就各顯神通，各人都想領風騷，喺香港問題上有發言權、為阿爺解憂嘅情況下，香港有頭有面嘅人好似范太、一眾親中議員，學者以至記者都成為國內同胞嘅目標，要搵大家傾吓偈，交吓心。
呢位成先生，恐怕都係因此而來，係責任在身亦話自動請纓都分別不大。結果鬧出個大頭佛，中央梗係要成生自己收拾殘局。
另一個神通，就係名嘴去向，唐家璇連有人因欠債而遠走加拿大都知，係咪厲害過李明逵先？
傳真︰2623-9278
電郵︰