十六歲男童王華俊，患肌肉萎縮症，四肢乏力，依靠電動輪椅出入。他肌肉日漸退化，又因長期坐輪椅，近年體重急升至一百四十磅，以致雙親每當抱起他進廁所及上床就寢時，非常吃力，令他多次跌倒受傷。物理治療師建議俊仔購買一部病人移位機（俗稱吊機）及輪椅坐墊，應付生活需要，惟王家難以負擔有關費用。
「見媽媽抱得我好辛苦，我真係唔想佢再咁辛苦……只有學校有吊機用，所以我放假寧願留喺學校宿舍唔返屋企。」坐在輪椅上的俊仔訴說。
俊仔出世後，雙腳經常抽搐，四歲時證實患肌肉萎縮症，全賴母親照顧，九歲後需靠手動輪椅代步。兩年前，其四肢肌肉日漸萎縮及退化，曾向慈善機構申請贊助購買電動輪椅出入。
四十七歲的王太，由於長期照顧俊仔，腰部與雙手耗損，「呢幾年俊仔身體一路差落去，手同肩膊肌肉無晒力，加上佢愈嚟愈重，𠵱家我要同佢爸爸或者哥哥合力，至可以由輪椅抱起佢去廁所、沖涼或者上床，試過幾次唔夠力，令佢跌落地受傷。」
王太除育有俊仔外，尚有兩名分別二十一歲現正待業長子及七歲幼女，其六十一歲丈夫原任職製衣工人，早年工廠北移內地一度失業，現轉行從事看更，經常開工不足。王太近年任職健康助理員幫補家計。
俊仔近年體重升至一百四十磅，令父母抱起他時很費力，惟有把他送往置有吊機的特殊學校寄宿，逢周五及學校假期，才讓他返家短聚。
王太雙眼泛紅地說：「如果屋企有部吊機，我可以用嚟吊起佢出入，但我哋根本冇能力拎幾萬蚊出嚟買部機。」
紅十字會雅麗珊邵主學校社工把俊仔的需要轉介本報跟進，該校物理治療師評估俊仔的情況後，建議他購買一部價值二萬八千元的病人移位機，應付生活需要，另購買一個輪椅背墊，減少脊骨耗損，兩項器材共需三萬元。
物理治療師稱，病人移位機可把俊仔從輪椅吊起，轉移到其他地方，例如廁所及睡床，避免俊仔跌倒受傷，亦可減輕其家人辛勞。 捐款編號：C1392
暖流熱線
電話：29908688
傳真：23702192
電郵：
網址：