飛哥李鵬飛喺江湖行走咁耐，識人無數，包括姓陳亦包括姓成，朋友眾多，有情有義嘅佢，要佢毫不留情咁批評朋友實在好難；好似之前新世界太子爺鄭家純話民主派無稽，代表唔到香港人，又話香港人𠵱家最緊要有飽飯食，有錢使。呢類廢話，出自朋友把口，飛哥都唔知鬧唔鬧好，𠵱家退出風波就唔使煩。
其實阿飛同鄭家真係好熟，以前佢間華經顧問公司辦事處，位於皇后大道中新世界第一座，最近先搬去尖東；離開鄭家地頭，因為老婆送咗間新辦公室畀佢，等佢唔使再奔波勞碌，日日由沙田過海。
阿飛曾經好親暱咁叫純官做「蛇仔」，八方問佢何解阿純有個咁嘅花名，佢話因為個「純」字，叫起嚟個音同「蛇」好似，冇乜其他意思，叫慣咗口改唔到。
（圖）蛇仔（左）昨晚出席九省酒會，傍住世叔李兆基，撐晒腰好神氣。
傳真︰2623-9278
電郵︰