呢兩日，特區政府猛吹「9+2」嘅泛珠三角概念，可算係中央開到口話幫香港發展經濟嘅一招，但招數重陸續有嚟，下一招就係六月六日嘅東北三省考察團。
去完西北，又到東北，呢個團由政府官員及商界大孖沙組成，由港澳辦主任廖暉帶隊，特區政府三位財經官員唐英年、曾俊華同葉澍堃都會參加。聽老友講，全團一行有五十幾人，為期一周，主要去吉林、長春、黑龍江等地考察，睇吓有冇商機。八方老友又話，既然咁大陣仗，隨團嘅富豪亦唔少，初步答應出席者有賭王何鴻燊、新世界鄭家純、恒基李兆基、合和胡應湘等；誠哥地位超班，如常唔去，由李澤鉅做代表，細仔李澤楷也在邀請之列，但只係代表電訊界。其餘成員尚有陳永祺、廖長城……不能盡錄，至於有冇下文？睇上次大西北團煲呔同小甜甜跳完part舞就冇下文，就知啦。
傳真︰2623-9278
電郵︰