內地舊年七月開始實施自由行來港，到噚日已經有成二百萬人次嘅同胞落過嚟，第二百萬位自由行旅客麥結梅噚日由中港客運碼頭入境，由入境事務處海港管制科指揮官陳孟麟致送紀念狀同紀念品。對於麥女士嚟講，今次真係雙喜臨門，原來佢今次同媽咪自由行嚟香港，係要同香港男友周先生結婚，睇嚟自由行唔單止刺激經濟，重催生唔少中港情緣㖭！
據陳孟麟透露，啱啱過去嘅勞動節，平均每日都有一萬四千名自由行旅客來港，五月一號當天更創下單日最高自由行入境紀錄，共有三萬四千人。
（圖）第二百萬位自由行旅客麥結梅（中）今次嚟香港結婚。
傳真︰2623-9278
電郵︰