紀念六四嘅遊行啱啱行完，又要準備7.1再行，民主嘅道路真係好漫長。舉辦7.1遊行嘅民間人權陣線特別設計咗新一批7.1遊行T恤，畀大家當制服着住嚟行；一來可以增加團結精神，二來夏日炎炎，遊行就緊係着T恤最舒服。
上年7.1好多人都響應呼籲着咗黑色衫，結果烈日當空之下，都咪話唔攞命，今年呢款7.1遊行T恤就好好多，係純棉白色，正面印有黑白色嘅圖案，背面係民陣個標誌，共有四款圖案可供選擇（圖），圖案分別由政治漫畫家尊子、馬龍同埋Coffee設計，全部都好有寓意，民陣總共造咗四千件，每件只係賣四十蚊，𠵱家開始接受定購，有興趣嘅可打電話去民陣問吓，電話係23854491。
傳真︰2623-9278
電郵︰
