港隊傑志前日喺大球場踢咗場好波，連義大利聯賽冠軍AC米蘭都打敗，真威。八方喺球場見到張文光、黃成智同埋單仲偕，重見到鄭大班㖭。只見大班帶住個細路仔去睇比賽，個細路金髮講英文，好鬼得意，大班話咗封嘴，所以真係乜都唔講。
而上星期話自己老婆惡嘅單仲偕，唔知係咪見報後被扭耳仔，捉住八方補鑊，佢話喺呢個時勢，老婆惡好過唔惡，因為惡就冇人敢打電話嚟騷擾。原來單仲偕有咁嘅苦衷，唔怪得單太企喺旁邊，好賢淑咁微微嘴笑冇出聲。
其實最開心嘅，除咗傑志班球員，重有煲呔曾，因為佢做嘉賓，不單止冇人噓，離開時更有人喺車外向佢揮手，自從佢接手「政改」之後，呢個場面真係好難得呢！
傳真︰2623-9278
電郵︰