陳豪、陶大宇、郭可盈、廖碧儀及向海嵐等，昨日在將軍澳電視廣播城出席無綫新劇《心花放》拜神儀式，最近有報道指無綫有意培養旗下藝人兼唱各劇集的主題曲及插曲，梅小菁監製的劇集《心花放》正是其中之一。
身為該劇第一男女主角的陶大宇及郭可盈，將會合唱插曲部份，而另一男主角陳豪則獻唱主題曲，對此陳豪說：「好多謝小菁姐，佢一直畀好多機會我。」提到會否擔心惹同劇演員妒忌時，陳豪說：「唔會！我只不過係比較幸運嗰個，咁我自己都好想唱主題曲，不過做歌星就唔好喇，唱主題曲已經係我嘅界限。」
而陶大宇及郭可盈雖然每人只有半首歌，亦已感到滿足，陶大宇說：「入行咁耐雖然有自己劇集，但都冇自己嘅歌，即使只有半隻都好喇，可以滿足吓自己。」郭可盈亦興奮地說：「我覺得由演員唱番感情會好啲，實行全套服務嘛！咁我哋登台又有自己歌。」
採訪：王崇穎 攝影：陳炯威