口靚妹明星真開放
施嘉莉咀女任睇　蜘蛛女試身室呻吟

𠵱家啲女仔唔知係愈嚟愈開放，定係愈嚟愈坦白，性事呢啲嘢好似要愈揚先愈「潮」，如果要選當中佼佼者，我羅拉就會揀《迷失東京》十九歲女星施嘉莉祖安遜（ScarlettJohansson），同埋二十二歲嘅「蜘蛛女」姬絲頓丹絲（KirstenDunst）。
先講施嘉莉，佢一早話明自己鍾意年紀大嘅男人，先前佢自爆同《毒網》金像男配角班尼治迪圖路（BenicioDelToro），喺酒店電梯做愛，已經令佢「激」名遠播。點知原來佢對年長人士嘅喜好唔局限於男性！

人前表演多次
早兩日佢俾人見到喺紐約一間酒吧度，同一個三十歲、出晒名鍾意搞是非嘅二打六女星TaraSubkoff全方位激咀，目擊人士話佢兩個咀到喘晒氣㖭，點知當有人見到佢哋嘅行為，佢哋重故意再表演一次，爆料者話：「好多人都好驚訝，Tara應該覺得施嘉莉好火熱。」

或接棒做超人
至於姬絲頓，早兩日佢同男友積加倫賀（JakeGyllenhaal）喺倫敦shopping時，有爆料者話佢哋喺試身室發出怪聲，好似做緊一啲喺床上先會做嘅行為，唔少街坊都唔明佢兩個為乜唔返到酒店房先行動。另外，阿積被指好可能係下一任嘅超人。