新鴻基地產在馬灣發展嘅珀麗灣兩年前聲勢浩大開賣，創出一日賣出超過千七個單位嘅佳績，其後近年未有樓盤能夠打破呢個神話。轉眼間，新地又即將開賣珀麗灣第三期，配合賣地成績理想，當然成為六月最矚目新盤。
呢個喺島上面嘅新盤，大賣度假風情，來頭強勁，唔少地產行內人士都去觀摩偷師。八方昨午三時許，喺葵芳珀麗灣展銷廳及售樓處所在嘅新都會廣場地下留連之際，赫然發現信和主席黃志祥嘅千金同公子，聯同營業部總經理韓家輝參觀完展銷廳離開。小姐公子一見傳媒即閃，似乎有啲怕醜喎。其實信和除開售中嘅蔚藍灣畔外，今年都未有新盤應市，兩位接班人今次取經，即使有所得益，都恐怕未能即時活用嘞。
傳真︰2623-9278
電郵︰