歷史上最配得起「精忠報國」四字嘅，當然唔係保安局前局長葉劉淑儀，而係宋朝嘅岳元帥岳飛。原來佢當年被奸臣秦檜害死後，岳氏一脈並沒有絕後，據來港訪問嘅「岳飛思想研究會」會長岳朝軍話，𠵱家岳飛後人有成四十五萬人，分布喺全國各地。
呢次訪港嘅現代「岳家軍」有二十人，目的係要籌款喺內地興建以岳飛命名嘅希望學校，等岳元帥嘅精忠報國精神得以流傳，𠵱家喺內地已經有兩間岳飛學校。
今次負責籌款嘅香港仁濟醫院同「《動感文學藝術》原創?發展協會」，會喺今年十一月二十六日至二十八日，喺葵青劇院上演四場慈善舞台劇《岳飛英雄傳》。
（圖）一班岳飛後人噚日去咗荃灣仁濟醫院參觀，好專心聽醫師（白袍者）講解。 張志華攝
傳真︰2623-9278
電郵︰