周汶錡（Kathy）昨日出席在尖沙嘴舉行的「atnextLady.com網絡面世」記者會，Kathy前男友杜德偉最近在台灣被拍下與新歡街頭拍拖的照片，問她有否留意這段消息，Kathy說：「我有睇到，都冇拖住，你哋又呃我。其實你哋唔好咁大驚小怪，咁大家都係single，即使有拍拖都唔係奇事。」
Kathy續道：「我都有同其他男仔去街，大家唔好咁敏感，其實拍拖係一件正常事，唔好成日講到好似好唔正常咁。」Kathy透露閒時會與杜德偉聯絡，但最近各有各忙，她亦指現時還沒有追求者，還反問記者有沒有男友介紹。
此外，最近石修接拍了一個女性護髮廣告，他說：「可能人哋睇中咗我𠵱家重有咁多頭髮，我都好慶幸咁耐都冇為過脫髮而煩惱。」問石修有否獲壯陽產品邀請拍攝廣告，他說：「都有嘅，不過要睇吓佢點拍。」
採訪、攝影：胡比