輪胎報告：長期測試結果公布<br>四驅新胎食地王

輪胎報告：長期測試結果公布
四驅新胎食地王

　　唔好誤會，今期唔係介紹四驅車，而係介紹四驅車胎。別以為四驅胎同普通車胎無分別，其實四驅胎一樣要講「食」力，要夠「食地」先可以攀山涉水，今次介紹呢款石橋牌全天候四驅胎就係一條可用嚟行使任何路面嘅車胎，泥路、石路、平地、濕地、上斜、落斜一樣掂，記者今次就做了約一個月嘅LongTermTest，實行對此胎來個深入了解！

記者：黃婉冰　攝影：楊錦文、黃子偉
鳴謝：飛騰輪胎公司

3D胎紋提升排水性
今次介紹嘅DuelerA/T694屬最新型號，雖然推出已幾個月，但直至今年二月先入齊尺碼，適合各大小四驅車安裝。新胎主要在胎紋上作出新改良，全新的大方塊胎紋及3D方塊，大大提升了車胎的排水性及抓地性能，而且胎噪（輪胎發出的噪音）比對上一個型號693更靜及抓地，而且壽命亦長咗20%，無論OnRoad或OffRoad都完全適用。價錢方面，受測試的尺寸265/70R16，每條約要$950-$1,000。

四驅胎一般分為三種
H/T：三者中最寧靜，只適合行走Highway。
M/T：適合行泥路。
A/T：屬全天候車胎，上山落斜、乾濕地一樣適合。

新胎測試結果

新胎4大贏點

■踩過一個凹陷泥漿水氹依然無問題，一樣平穩渡過，無跣胎或啜胎情況出現，可見其排水性強。

■新胎強調抓地性，試過不停掟彎後，新胎明顯比較平穩，唔會畀人一種向外拋的感覺，可見其的確比舊型號咬地。

■行車時好容易感受得到輪胎與地面的接觸性高很多，但亦因此行駛時比H/T略噪，但胎噪程度很輕微，在濕地亦未出現有空轉或跣胎，制動性頗高。

■新胎用上五個不同大小方塊，造出特別的排列組合，可用來減低輪胎與地面摩擦時所發出的噪音。

■車胎花紋較粗身而且大，除可提高排水性及着地性外，每個起角的花紋邊更可加強抓地性，將跣胎的影響減到最低。

■硬身、凸出而起角的胎膊，可以延緩損耗程度，比舊有款式向內彎的設計更耐磨。

■胎紋中間特別加入多組獨立3D方塊，除加強胎面與地面的抓力，亦可消除因長期使用而出現的不規則酸蝕。

■與對上一款舊型號693比較，新胎紋明顯深、厚且大，694的胎膊位向外凸出，而舊款的693則向內彎。

買胎小貼士：買胎唔使貪「新鮮」
好多人誤以為買胎都要講求新鮮度，以最新及最近期一批製成的作首選，其實每條胎都有五年期，即使所選擇的新胎製成已有一年或以上，只要不超過五年，一樣與剛製成的新胎無異。為了讓顧客可以更易識別行貨同水貨，代理石橋牌車胎的同成公司，特別在新車胎上加上銀色貼紙作證明，車主以後好容易就識得區分。

同場加映：電子輪胎感應器
TireSensor邊行邊Check
四驅車胎唔啱使，不如睇睇以下呢套係車主都啱使嘅輪胎感應器，雖然此非甚麼新品種，但過往只有某些歐洲貴價車會隨車附送。新產品着重安裝設計同功能，好似由舊款繫帶式設計改為上螺絲，就唔怕因長期損耗而斷帶，而新款感應器會在每次熄火及撻火後即時記錄低氣壓及溫度等數據，在行車時再輪流Check住同顯示四條胎嘅胎氣同熱度，一遇到過熱或者胎氣急降、過多都會即時有閃燈同響號提你，就算半路中途踩釘都可以即刻知道！

查詢電話：25256313

10分鐘行車測試

■呢套名為「The3rdEye」嘅感應器，成套包括一個主機同四個感應器，兩年保用，每個$2,800。

■感應器裝在胎軨喉嘴上，資料就會透過紅外線發射到顯示屏上。

■裝上輪胎後，感應器會隱藏在胎與軨之間，對外觀無影響。

■開車前，顯示出左邊尾胎的氣壓為31Psi，溫度攝氏29度。

■車程行了大概10分鐘，車胎溫度上升了攝氏6度，因為冷縮熱脹原理，氣壓亦升為33Psi。

■車主可跟着附送的數據表，再重新輸入車胎重量、然後再設定氣壓、溫度的上限同下限。