對於舊愛戴蘊慧追討當年欠下的二萬元，吳國敬昨日在電話中說：「如果佢話我冇同佢拍過拖，咁冇關係，佢做乜話我爭佢錢？我都莫名其妙。其實係因為當年佢同我拍拖，有人話不如開個聯名戶口，每個月一人儲一千蚊，結果我哋拍拖三年咪儲咗大概兩萬蚊，分手後佢又要嫁人，我問過佢筆錢點處理，佢話唔要，但佢𠵱家又咁講嘢，唔該佢清醒啲做人。」
而對於戴蘊慧表示不滿意每次自己出事時，吳國敬都會向傳媒表示意見，他昨日說：「記者嚟問我先講嘢，我噚日都係出於關心佢先咁講，我都唔係好想答佢啲嘢。以後佢啲嘢我會冇回應，我唔想好以罵街咁，我呢排心肺功能唔係幾好，我都想慳番啖氣暖肚。」
昨晚吳國敬到尖沙嘴出席「演藝光輝十載情」籌款晚會時，被問到與戴蘊慧是否鬧不和？他說：「關我乜事，我不嬲都冇聯絡佢，你哋放過我啦。」