飛哥前日喺立法會爆大鑊，引來全城嘩然，大家都對嗰位「陳」姓前中央官員同飛哥講嗰句「你太太很賢淑，你女兒很漂亮」有唔同領會。
賭王何鴻燊噚日出席華員會酒會時就同八方講，覺得呢幾句說話好閒，「我太太又賢淑，我個女又靚，有乜特別，有乜所謂啫。」佢重笑笑口咁同八方講，好多人成日都問候佢，又話人哋尊重你先問候你啫。不過，當有記者問賭王，飛哥今次係唔係太敏感時，佢就歎咗口氣話：「我同佢兩公婆咁熟，佢梗有理由嘅。」又冇得失老友，又唔會得罪「阿爺」，賭王你係得嘅！
傳真︰2623-9278
電郵︰