飛哥前日喺立法會舌戰群左，成個會議兩個幾鐘絕無冷場，隨時精采過佢開咪主持節目，大家對佢言論津津樂道，飛哥嗰句「唔同層次，唔同級數」已成為中環最熱門口頭禪！八方噚日喺立會走廊同班議員吹水，大家講到不亦樂乎，連曾鈺成行過都唔醒水，收唔切聲。
今次有人捉蟲，阿曾千年道行俾飛哥一招破，佢位黨內兄弟葉國謙亦冇晒聲氣，不過有位議員就笑騎騎話立會入面啲盆栽葉上面有蟲，簡稱「葉上蟲」。
前日個特別會議民主派同左派暗中較勁，淨係自由黨無人提問，到夜晚先發聲明，但只稱飛哥「時事評論員」。飛哥話晒係自由黨創黨主席，咁算劃清界線呀？
傳真︰2623-9278
電郵︰