有線娛樂新聞台主播陳貝兒，早排喺康城同兩位萬人迷木村拓哉及畢彼特（BradPitt）做訪問，真係恨死馮仁昭。
主持陳貝兒問木村幾時有時間嚟香港見吓fans，木村就用佢殺死人嘅眼神反問佢幾時得閒，重話只要佢喺香港，就係適當嘅時機，木村重同陳貝兒勾手指尾約定㖭！估唔到平時cool到震嘅木村，見到靚女咁鬼口甜舌滑。
問到木村對導演王家衞有乜睇法時，佢好抵死咁講：「哎吔！」跟住就話：「王家衞是一位很敏感、完美、優秀，有時也會表現瘋狂和自私的人，是非常有魅力的導演和畫家。」
木村話開頭拍《2046》嗰陣，對於王家衞冇劇本、唔知下一場拍乜同埋不斷改古仔嘅拍攝手法，覺得好不安同好難理解，拍到中後期先明白自己做緊乜。
另外，陳貝兒亦訪問咗畢彼特，問佢想做《無間道》入面劉德華定梁朝偉嘅角色，佢話要同里安納度狄卡比奧（LeonardoDiCaprio）傾過之後先至決定喎！
近期獲MusicNation力捧嘅四人女子組合「女生宿舍」（Elise、Macy、Toby及Bella），預計八月出唱片，七月就有新歌面世，唱片公司特別用咗十幾萬，搵咗形象設計師奚仲文幫佢哋印製咗個人簡歷，派畀各大傳媒，可以話係落足本。
內地舉行嘅「華語音樂傳媒大獎」噚日公布入圍名單，周杰倫同黃耀明各得八項提名，認真威水，而王菲就有五項提名排第二。另外，黃耀明、陳奕迅、周杰倫同王力宏都有份角逐「最佳男歌手」獎。
吳彥祖同原島大地最近幫張玉珊做代言人，推銷竹葉茶飲品。張玉珊噚日喺電話度話：「搵吳彥祖同原島大地代言，係想配合大人細路都啱飲嘅形象，相信佢可以促」
