韓片《野蠻師姐》主角全智賢、張赫及導演郭在容前晚到將軍澳電視廣播城錄影節目，現場二百影迷多是張赫擁躉，故他出場時聲勢比全智賢勁，主持鄭裕玲亦以低胸裝搶鏡，全智賢可謂左右受敵。
韓國天后全智賢、張赫及郭在容前日到過流浮山舉行記者會後，三人前晚便到將軍澳電視廣播城錄影節目《野蠻師姐全接觸》，該節目分兩集播出，由鄭裕玲（嘟嘟）及章志文主持。
全智賢等前晚到達電視城後，便進入貴賓化妝間，八名保安在門外守候，本來七時的通告，一直到八時半才正式錄影。現場二百多影迷，大部份是捧張赫場的女影迷，故當他出現時，歡呼聲雷動，全智賢即被比下去。主持鄭裕玲前晚亦穿着吊帶低胸上衣出現，十分搶鏡，無論影迷聲勢與衣着都受到威脅，全智賢可謂左右受敵。
一向守時的嘟嘟被問到遲了個半小時才錄影，她說：「冇所謂，我通告都係到十二點，十二點後都會收廠啦，我唔嬲，𠵱家工作只係精神寄託，而且頭先都好多人嚟同我傾偈，佢哋咁熱做咗成日嘢，補妝都要㗎。」
當得悉全智賢等是在流浮山食海鮮後才到將軍澳，嘟嘟說：「嚟香港梗係要幫吓經濟消費吓啦，人哋韓國嚟，記得寫人好啲呀。」
嘟嘟表示她會訪問全智賢等有關電影的問題，全是十分容易回答的，問到可有欣賞過全智賢等的電影時，嘟嘟說：「我只係睇過一部《我的野蠻女友》，我連木村都幾年冇睇佢啲劇啦，𠵱家啲fans變心好現實㗎，話變就變。」
採訪：馮美茵
攝影：仇志德
