全國政協副主席兼統戰部部長劉延東雖然嚟咗香港短短幾日，但次次出席活動都吸引大批傳媒追訪。噚日東東去咗銅鑼灣一間幼稚園參觀，好闊綽咁送咗好多玩具畀啲幼稚園學生，同場出現嘅特首夫人出手就低好多，得盒朱古力咁嘅嘢咋，今次董太真係落晒面啦！
東東致辭時話，孩子係社會未來嘅棟樑同希望，祝願佢哋健康成長，做一個建設者；致辭完畢，一班幼稚園學生即刻載歌載舞表演。其間東東同董太更興之所至，走咗落台，同班學生一齊唱歌跳舞，玩得非常開心。東東今日下晝會同傳媒會面，之後就會離開香港，唔知劉部長臨走之前，會唔會肯講吓「名嘴封咪事件」呢？
（圖）東東（中）由頭帶到尾，抱起可愛妹妹玩，董太（右）嘅風頭完全被蓋過晒。
張志華攝
傳真︰2623-9278
電郵︰