【本報訊】民建聯及部份左派人士在名嘴封咪風波中，一直要求名嘴們公開交代究竟受了甚麼威嚇，還是只是杞人憂天。民建聯劉江華及前主席曾鈺成昨日在民政事務委員會上，就質疑李鵬飛是否真的有實際威脅，結果遭李鵬飛這位前自由黨主席回敬一句：「如果你曾鈺成感受唔到我嘅感受，我同你真係唔同層次，真係唔同級數。」
有民主派議員透露，今次會議令不少親北京議員十分煩惱：「插李鵬飛，只會有更多人同情佢，唔插佢，又好似畀佢講晒，我知有人好後悔請飛哥去（出席）個會。」
雖然親北京陣營一直想將今次名嘴封咪事件局限為個人私怨，又或是個別名嘴庸人自擾的決定，但昨日民建聯及其他親北京議員未有出現「圍攻」李鵬飛的局面，事前曾力主要請鄭經翰、黃毓民的委員會主席葉國謙也沒有發問，只有馬逢國、劉江華及曾鈺成提問，但他們在提問時，對李鵬飛仍是步步進迫。
劉江華提問時，指李的發言中，「從未有一個中央官員同飛哥講，你收聲啦，你封咪啦」。曾鈺成在發問時更質疑：「我想問清楚，到今日呢分鐘為止，李鵬飛先生有冇感受到佢本人或者家人嘅安全受到任何威脅？」他又形容那些人除了「煩得幾多次之外，對佢本身或者佢屋企人有乜嘢實際威脅呢？」
李鵬飛立刻反駁，直指要真的用到威嚇對付他，「就好低莊」，他批評指他反應過敏的說法，「我收聲令人Happy（開心），係咪過敏？我唔畀佢Happen（發生），我唔想佢打（電話）畀我太太，我點知我太太有乜反應？呢啲叫預防性措施。」他又駁斥曾鈺成指感受不到威脅的論調，是大家「級數」不同：「好多唔同嘅威脅，睇壓力從邊度嚟，好多㗎，如果你曾鈺成感受唔到我嘅感受，我同你真係唔同層次，真係唔同級數。」
但曾鈺成在會後仍堅持，只是李「企得唔夠硬」，因為李鵬飛是人大代表，與中央官員熟識，有官員找他商談是正常事情，而李說遭到中央官員教訓，是官員信任李鵬飛的表現所致。