協康會一年一度嘅大型籌款活動「全港廚師精英大匯演」，噚日喺香港君悅酒店舉行，來賓可以喺三小時之內，試晒世界各地特色美食，而負責膳食嘅單位來頭唔小，包括九龍香格里拉、萬豪酒店等嘅名廚；每位嘉賓嘅餐券分六百蚊同一千蚊兩種，目標籌款一百六十萬，用嚟幫助特殊兒童同佢哋嘅家人，真係好有意義。
咁邊個最適合做呢個美食活動嘅嘉賓呢，梗係尊貴嘅特首夫人董趙洪娉，點解？理由好簡單，佢有名叫做A1，乜嘢都要最好嘅，坐飛機坐頭等，睇佢咁富泰嘅身形，就知佢食嘢好講究；佢噚日亦好盡責咁試美食。但係食嘢還食嘢，A1都不忘同啲協康會嘅受助兒童親近一番，盡番主禮嘉賓嘅責任。
傳真︰2623-9278
電郵︰