為了拍攝《我要做Model》，導演特別要求演員林嘉欣、李彩樺和鄭中基等觀看名模錄影帶，以從中偷師。不過當中最辛苦的要數鍾鎮濤（阿B），他為了扮大肚腩，每日要孭起二十磅石膏，不過驟眼看來肚腩十足十屁股一樣，造型惹笑！
由鄭中基、林嘉欣、李彩樺、森美、陳子聰、李燦森和鍾鎮濤等主演、谷德昭執導的暑期檔喜劇《我要做Model》將於下月十七日上映。該片以模特兒生涯作題材，當中不乏勁歌熱舞、鬥靚鬥型場面。
鄭中基飾演世界名牌「PekingDuck」的代言人，因此大部份服飾須加上鴨仔襯托，比起阿B當然幸福得多，因為阿Ｂ為了扮大肚腩，須在腹部箍上二十磅重石膏，簡直慘無人道！而假肚腩橫看豎看都像一個臀部，非常搞笑。不過阿Ｂ甚有專業水準，多個場面都一take過完成。
導演為求一眾演員有專業演出，在拍攝前特地召集了鄭中基、森美、林嘉欣和李彩樺等主角撥出個多小時，一起觀看名模們示範最新春裝的錄影帶，讓各人多留意模特兒的小動作和表情。
曾做過模特兒的陳子聰更即席示範何謂出色的模特兒，讓大家看得目瞪口呆，連一向慣在天橋客串行騷的李燦森，亦甘拜下風。
陳子聰則盛讚鄭中基有扮嘢天份，他說：「其實作為topmodel，需要花好多時間鑽研catwalk時嘅動作，但鄭中基靠少少訓練已經好有水準。」鄭中基還分享心得說：「我發覺所有模特兒工作時都有個共通點，就係佢哋會微微向上『嘟』起嘴巴，扮晒有自信。」
