精明消費：
防UV雨傘唔落雨一樣大派用場
今時今日，唔一定落雨先要擔遮，潮流興美白，女士們最怕曬太陽，雨傘製造商當然深明此道。所以新款的雨傘，除了注重外觀，還會加入防UV物料，就算唔落雨，陽光普照都一樣可以擔出街遮太陽，貪靚女士們就唔怕曬傷或曬黑肌膚喇！
記者：梁彩燕
攝影：陳盛臣
Model：Karen（RichStrategy）
直骨樣靚紮實
直骨遮的最大好處是夠大夠實淨，可以抵擋強風，而且雨傘上的圖案夠美觀，最啱注重儀表的女士們。現時的直骨遮，除了會加入防UV物料外，所採用的質料更可謂層出不窮，有些傘款加入棉質、麻質甚至絹料，防水之餘令雨傘更獨特及美觀。
泰國風情畫
遮身總共由16條骨設計，特別堅固硬淨，打開後形狀好似成把公主傘咁，絕對不怕淋濕身，配埋小菊花圍滿邊，甚有泰國風情。
原價：$239
特價：$163.3(a)
全城至細
名副其實是一把「自私遮」，遮身全長約58cm，整個傘面只有約86cm，是全城至細的遮款，至啱嬌滴滴的少女們使用。款式非常典雅，OL襯斯文套裝最啱。
原價：$239
特價：$167.3(a)
防水絹散水快
遮面的質料比較厚，其防UV的功效比市面一般的防UV遮更強。使用防水絹質料，散水度高，遮身話咁快乾透。雨傘選用鋼骨支撐夠堅固，傘面約有24吋闊，兩位女士齊齊用都得。
原價：$290
特價：$232(c)
外暗內明夠特別
表面是防水絹質料，散水度強，圖案的特別之處在於明花在內，落雨時向上望，身心都舒暢點，配以金色小遮柄，的骰美觀，遮骨更有永久免費保養。
原價：$240
特價：$192(c)
動物發燒友必買
全把雨傘顏色夠鮮豔，全部以樹熊作為主題，傘面以兩幅樹熊圖案相間組合而成，看見其儍更更的樣貌實在不禁發出會心微笑，下雨天一樣保持心情開朗！
原價：$290
特價：$232(c)
可愛小狗
雖然落雨天不可以帶家中的小狗出外散步，可考慮買把狗仔圖案雨傘陪伴左右。兩隻狗仔在草地上回眸淺笑，Cute到暈。遮身用鋁骨加纖維膠造成，拿上手較輕身。
售價：$165(f)
直條斯文大方
直條花紋一向都好得體，配埋粉色設計望落更加舒服自然。此款屬於短長遮，全長只有68cm，輕巧又特別。另外還有黃綠色和紫襯粉紅色以供選擇。
售價：$120(f)
蝴蝶翩翩起舞
拿起這把滿是蝴蝶圖案的雨傘，配襯埋溫馨的粉紅色，散發着少女情懷。16骨設計未必能抵擋你的狂風浪蝶，但絕對可為你擋風擋雨。
售價：$199(g)
當埋枴杖：長者雨季夥伴
枴杖可以變雨傘？此款直傘遮，唔落雨時可以充當枴杖，下雨時就可以從枴杖內取出傘身連接遮柄，變身成為一把雨傘，一物二用。
原價：$329
特價：$230.3(a)
縮骨講功能
縮骨遮近來愈出愈細，由以前的二縮三縮遮，到現時的五縮甚至是六縮遮都有。此外，縮骨遮更愈來愈多功能，有些遮款可以自動開關，有些更為了照顧女士們的需要，在傘面加入雙重的防UV功效。
超細6縮遮
這把由兩組3縮鋼骨組成的6縮遮，縮短後只有14.5cm，僅一支普通鉛子筆的長度，放落手袋最啱。傘面布滿橙圖案，睇見都開心！
原價：$315
特價：$252(c)
超的骰：防UV縮骨王
講到明UltraUV，防紫外線功效一定有番咁上下，即使用來抵擋猛烈陽光亦冇有怕！遮身縮短後只有約20cm，超級的骰輕便，去邊都可以帶住！
原價：$180
特價：$126(a)
當雨點遇上波點
波點圖案的熱潮未有意識減退，不論大小或顏色都齊齊出動，誓要你擁有。此遮款附有〝TEFLON〞標誌，表示具有特別散水功能，還有多色選擇。
原價：$129
特價：$90.3(a)
50克超輕之選
夏天帶遮出街已是女士們手袋的必備之品，雨傘要防紫外線之餘，也要夠輕巧方便。極力推介這把只有50克的防UV三縮遮，備有粉紫色和銀灰色選擇。
售價：$180(b)
Cutie公仔重拾童真
要數雨傘的長青圖案，一定首選卡通公仔莫屬。市面上除了當紅的Kitty外，還有很多其他的卡通人物，不妨睇吓有無你鍾愛的款式。
真正太陽傘
唔係個個女仔都鍾意同陽光玩遊戲，反而好多人似名模琦琦般「見光死」。此款縮短後只有約20cm的防UV太陽傘，同時亦能抵擋微雨，有多色選擇。
售價：$180(b)
Kitty迷至愛
多年來都極受大小朋友追捧的HelloKitty梗係最多人揀，呢把直骨遮的遮面鋪滿了得意圖案，最興奮係有大大個Kitty頭望住你，掂！
售價：$99(e)
售賣點
(a)西田百貨26941111
(b)GoldRush26941181
(c)梁蘇記26917076
(d)SanrioVivitix21561202
(e)Strawberry27902124
(f)wingonPlus27106288
(g)Riccini23308926
可愛Melody
喜歡粉紅色的朋友多數也會喜愛MyMelody，此款短直遮全長約75cm，比一般直遮短約15cm，最啱生得嬌小的少女。
售價：$79.9(d)
細路至啱：立體青蛙
成把遮都青BB夠晒搶眼，加埋那對立體眼睛，夠晒醒神！攞住這把專為小朋友而設的青蛙雨傘行出街，必定喺芸芸遮海當中，都可以成為眾人的目光焦點！
售價：$119(g)