陳小春昨日到商台接受訪問，剛由台灣回港的他，原要為杜琪峯執導的電影《柔道龍虎榜》開工，但由於檔期緊迫，所以未能接拍。
小春說：「都有啲唔開心㗎，我都幾恨拍杜琪峯啲戲，套戲上年八月已經開始話拍，但到𠵱家都未到我嘅戲份，如果第二個導演我就會媽媽叉叉，但阿杜就唔會，惟有下次再合作。」小春表示之前已上過幾堂柔道班，他說：「都幾好玩㗎。」
而小春早前在台灣舉行簽唱會時，謝霆鋒特別前來「踩場」，小春說：「唔好話踩場，係撐場啫，可能佢咁啱做完嘢經過，見到我搞簽唱會咪同我sayhi囉，我事前真係唔知，人哋嚟到唔通唔同人打招呼咩！」
採訪、攝影：胡比