許冠文、楊千嬅及劉青雲前晚在機場拍戲，三人均要打石膏或戴頸箍，以重傷造型出現，其中千嬅雖能豁免化瘀妝及戴頸箍，但就要套上石膏做戲，不過卻因腳短關係，石膏頂着下體，令千嬅尷尬無比。
許冠文、楊千嬅及劉青雲前晚在赤鱲角機場拍攝新戲《煎釀三寶》，劇情講述三人在北京遇見散打王，與之決鬥後被打至重傷返港，故他們均需以重傷造型出現，現場更有近六十名臨時演員扮fans，接飾演著名作家的許冠文機，而電影公司更向機場申請封閉抵港大堂A閘拍攝。
三人的重傷妝都化得十分逼真，青雲與許冠文面部更是又紅又瘀，青雲傷得最誇張，除了要戴頸項支架外，還要腳打石膏兼坐輪椅；許冠文戴頸箍及雙手打石膏，扶着鐵架走路；而千嬅則最搞笑，雖然面部不用化瘀妝，但其右手右腳都要打石膏，因為道具石膏套長度已定，千嬅腳短關係，故她套上石膏後頂着下體，除了礙眼，走起路來也不太方便，連千嬅自己都笑說：「呢個位真係有啲尷尬，可能我矮啦，青雲着住時個石膏都冇咁高。」
千嬅又說：「我咁大個女都未試過打石膏，幫人打就打得多，都好辛苦㗎，着住條褲套入去都又焗又痕。」千嬅等身上套着石膏，行動有如機械人一樣緩慢，當導演叫埋位時，三人還鬥快行到鏡頭前，十分搞笑。
採訪、攝影：胡比
