大學頻頻撲水，百年老店香港大學校長徐立之近排就可謂收支票都收到手軟。繼富商顧明均大手捐一億畀浸大、邵逸夫獎噚日一口氣公布六位得獎名單，畀咗四千六百八十萬獎金出去之外，麗新集團主席林伯欣都唔輸蝕，一次過捐咗一千萬畀港大，成立「林百欣中國文化講座教席」，幫助推動「饒宗頤學術館」嘅教研工作。
饒宗頤係出名嘅漢學大師，素有國寶之譽，佢老人家近年將畢生收藏送畀港大，重喺港大校園設立咗個「饒宗頤學術館」。林伯同饒宗頤教授相交半個世紀，大家同屬潮汕人，感情相當深厚。林伯今次捐錢畀好朋友，饒教授亦畀面出席支票捐贈儀式，重送咗寫有「慈悲喜捨」四個大字嘅墨寶畀呢位老朋友兼大慈善家。
（圖）饒宗頤教授噚日都有出席支票捐贈儀式。資料圖片
傳真︰2623-9278
電郵︰