英國男星曉格蘭特（HughGrant）四年前同拍咗十三年拖嘅伊莉莎伯凱莉（ElizabethHurley）分手之後，大家重保持住曖昧嘅朋友關係，但自從凱莉搭上咗印裔富翁後，我羅拉重以為曉格蘭特會死心㖭！點知日前，喺英國有人影到曉格蘭特去咗凱莉屋企食飯，重食到第二朝早！曉格蘭特出番嚟時披頭散髮，一見記者好似見鬼咁，話佢兩個冇嘢，睇怕都冇人會信啦！