歌神許冠傑演唱會舉行在即，八方同大會贊助商、盈科保險營運總監蘇永雄噚日傾起，原來佢哋獲歌神同意，將演唱會重點歌《繼續微笑》製成一張音樂光碟，作推廣之用；同時乘勢推出一個新產品，叫做「SMILE」，起相輔相成之效，計劃本身則為一個與投資掛鈎嘅壽險產品。
大家閒談之際，蘇永雄講到客戶通常會搵同一個經紀協助處理個人理財，即如剪髮通常會幫襯同一個理髮師，但蘇氏自爆原來佢多年來確只有一個理髮師，呢個人就係蘇太，八方印象中，好似只有科大校長朱經武講過係由太太負責剪髮。坐喺蘇氏旁邊嘅盈保顧問梁胡雪姬則說，自己剛喺上海返嚟，喺復旦大學旁邊一間理髮店理髮，花費不過十五元人民幣呢！。
傳真︰2623-9278
電郵︰