繼《Y2K》之後，港台即將推出新一輯青春劇《天下無敵》，劇集由一班新人擔綱演出，當中最為人熟悉的只有周俊偉一個，他為拍攝該劇更要遠赴少林寺練武，並將所有頭髮剃去。
周俊偉表示拍攝過程雖然辛苦，但好處是令其人生觀有了很大改變，他說：「去到少林寺見啲僧人自給自足，飲水有時都要上山擔水，返到香港我就覺得自己真係好幸福，要乜嘢有乜嘢，呢啲我以前係唔覺得嘅。」
而劇中的另一男主角伍允龍曾擔任武術指導，原來他七歲已開始習武，伍允龍說：「因為我爸爸喺美國開武館，所以我由細到大都接觸武術，有好濃厚嘅興趣，而且我嘅偶像係甄子丹，我亦都想有佢咁嘅成就。」
至於劇中一位年僅十五歲的女主角楊穎，前年才來港定居，她表示希望可一嘗當歌手的心願。
採訪、攝影：李珮洳