李鵬飛昨日在立法會內「爆大鑊」，內容雖不至於驚天動地，卻足以令之前一口咬定北京沒有干預本港言論自由的左派人士尷尬，據了解，有親北京人士已開始為中央「補鑊」，澄清那些干擾行動並非來自中央最高層授意，但有學者認為，從李鵬飛的發言，中央想干預李鵬飛言論，已是「表面證供成立」，中央很難說不知情。
有政界人士透露，最近他在一些私人場合跟部份親北京政界人物談到名嘴封咪事件，對方的態度已由最初抹黑，變成不斷為中央開脫：「佢哋話阿爺一定唔會叫邊個做乜，又或者叫嗰個咁樣，佢哋最多只會講（名嘴言論）要注意下、要控制下、平衡下！」
政界人士又說，親北京政界人物明顯想將最近香港發生的事情，和中央劃清界線：「好明顯玩大咗，唔係都唔會又有京官走去叫飛哥開番咪，重任佢點鬧都得！」
中大政治及公共行政學系高級導師蔡子強認為，今次左派處理李鵬飛封咪問題失策：「佢哋一開始就用抹黑手法對付封咪名嘴，對飛哥都係咁樣，結果物極必反，反而迫咗飛哥企出嚟。」
他認為，左派陣營目前明顯要改變策略，將中央拉出這個「熱廚房」，但現實是中央根本難以洗脫嫌疑：「飛哥佢講到好明白，有中央官員想見佢，呢個已經好明顯係干預，你點樣洗脫都好，都冇可能講到北京唔知情。」
本報記者