李鵬飛離開咗立法會議事堂多年，噚日重返舊地，風采依然，民主派議員十分欽佩，形容飛哥心口前面有個勇字，後面有個服字，重同飛哥改名為大飛。
話說大飛盡訴心中情之時，張文光同余若薇大咬耳仔，密密斟，唔知係咪感同身受，而人稱小班嘅鄭家富就聽得好投入，事關大飛有提到佢個名，話小班都可以證實，做商台烽煙節目幾爆棚。
飛哥講到笑中有淚，針針到肉，民主派中人就猛傳紙仔，張文光本來想俾飛哥讚佢，後嚟寫咗畀李柱銘，話阿飛講得好，唔使多問，否則畫蛇添足。而阿富就忍唔住寫張紙仔畀大飛，話自己當年因為喺電視見到阿飛一時親英、一時親中嘅負面形象，所以激發佢參政，希望今次佢喺立法會帶出嘅正面敢言訊息，可以影響新一代年輕人從政，重話同飛哥互勉，希望大家繼續喺不同角度為民主發展而努力。
阿富話見到飛哥睇完張紙收入個袋，佢好開心。張文光話飛哥贏盡民主派嘅心，係真嘅。
（圖）噚日張文光同余若薇喺議事堂度咬耳仔。 凌樹輝攝
傳真︰2623-9278
電郵︰