電視劇《伙頭智多星》昨日在尖沙嘴拍攝煞科戲，劇情講述鄭記雲吞麫的三兄弟張衞健、羅嘉良與吳鎮宇為迎戰其他食店，進行一場雲吞麫比賽，由許志安擔任評判，結果三兄弟敗陣。由於昨日是佛誕假期，故此現場有不少自由行旅客圍觀，場面熱鬧。
樂意為之之着鞋
吳鎮宇表示在上海電影《做頭》中，只是客串四日拍了九場戲，而接拍原因是因為其中有一場替關之琳着鞋的戲份，他說：「我喺戲入面係做關之琳老公，因為冇乜對白，而其中一場講我幫佢着鞋，我好鍾意呢場戲。現實中我冇試過幫我老婆着鞋，但綁鞋帶就有，因為佢唔識綁。」
提到梁朝偉不忿在康城影展中敗給十四歲日籍童星柳樂優彌，吳鎮宇說：「一個人攞唔攞獎唔關演員事，係個角色同評審嘅交流，亦可能關編劇事，因為如果要選好演技，綜合全世界選一個就夠。」
採訪：馮美茵
攝影：陳烱威