無綫昨日安排十八位《2004年度香港小姐競選》佳麗往屯門黃金海岸進行兩日集訓,讓佳麗習慣群體生活。
為食港姐11號梁麗瑩連日成為風頭躉,昨日她又自爆在巴士上層「俾仔昅」,她說:「參選後自己都謹慎好多,但有次遇到鹹濕佬唔敢出聲,喺巴士上面個男人眼甘甘望住我,然後有所動作,令我好唔開心。」
另外,近日有報道指梁麗瑩戴上漁夫帽與眾佳麗逛街,梁麗瑩否認相片中的是她,又表示從不戴漁夫帽。對於連日來成為焦點,梁麗瑩說:「搞咁多嘢都知道結果會點,人哋老屈我都係想我唔玩啫。」
採訪:卓寶花
攝影:陳慧安