蕭正楠的音樂特輯《日光．楠》前晚在灣仔會展舉行首映會，劇中女角張燊悅與谷祖琳、蕭正楠的好友鄧肇欣、李力持及公司高層李進均有來捧場。
穿大露背裝的張燊悅成為全場焦點，早前她與蕭正楠合作拍攝內地電影《血風箏》，她說：「初頭以為佢好細路仔，因為我好怕男仔好小朋友，點知發覺佢幾獨立，又控制到場面同識分析嘢，我喺日本時俾啲金毛黑衣人拉去拍AV，好彩有蕭正楠英雄救美咋。」
張燊悅對蕭正楠有讚無彈，問到會否有發展機會？她即耍手擰頭說：「唔係嘛，我圈中男仔朋友都唔多嘞，你哋唔好亂寫。」但講到兩人有機會日久生情，張燊悅即轉軚表示會考慮。
蕭正楠又踢爆張燊悅拍特輯期間肥了不少，拍一些擁抱鏡頭時更見到對方的雙下巴。