李鵬飛畀面立法會班舊人，聽日一早八點幾去出席會議，盡數不平事，鄭經翰同黃毓民就一於少理。毓民唔使多講，佢人不在港；而就算鄭大班喺度，佢都唔會去啦，正如大班話齋，佢唔講嘢就安全，如果喺立法會公開爆料，走出立法會之後，人身安全邊個保證到先，靠周富祥？
對大班嚟講，𠵱家最高指示梗係「沉默是金」。有人最近喺街度撞到大班，佢都不知幾開心做其路人甲乙丙，開頭就重驚啲親中老左狗仔隊日跟夜跟，過咗幾日冇料到，左狗收埋隊，大班重成個生晒㖭。大班嘴邊好鍾意掛住「香港是我家」，返到屋企唔使做，日日同班老友喺香港會飲茶聚舊，真一樂也。
（圖）無咪一身輕嘅鄭大班，𠵱家得閒就飲吓茶，陪吓屋企人，真梳乎。
傳真︰2623-9278
電郵︰