中國為表示有幾厚愛香港人，特別將國寶級佛教文物佛指舍利運嚟香港展出，重派埋國家領導級人馬政協副主席劉延東出席開幕儀式，搞到老董同肥平周身唔得閒。
佛指噚日中午抵港，身為民政事務局局長嘅肥平雖然係基督徒，聖經講：你們不可以既侍奉上帝，又侍奉佛祖，都要去恭迎，請各位基督教友包涵包涵。
其實肥平為五斗米都好辛苦，佢接完佛指，同新聞秘書謝祥興第一時間衝出去東涌醫肚，食完白粥豬腸粉同炒麵，肥平重意猶未盡，見到有雪糕食，就好似三歲細路咁兩眼發光，即刻整番杯，然後佢又興致勃勃去接劉部長。今次「國寶」來港，警方雖然話冇乜特別安排，但對有個別警司級等「佛教徒」義務去保護，警察有佛教徒？愈多愈好，因為六四萬一要鎮壓，記住「放下屠刀，立地成佛」，可以少啲血光災。
（圖）肥平（右）喺機場接完佛指，就去東涌「搵食」，跟住又返機場接劉延東（左）。政府新聞處圖片
傳真︰2623-9278
電郵︰